近日明顯好好多喇，個肚冇咁重，傷口冇咁扯，步行得自然d，冇咁蟻"冷"，不過行得耐都會好索氣，著褲都係唔多舒服，著d好鬆既褲、工人褲或連身裙就舒服好多。

我開始返工喇，慢慢還下債，每日接得好少野做，希望慢慢習慣下，兼且暫時唔想留在鋪頭太長時間。

客人們都好好，好體諒，有個客直頭唔比我同佢按肩&手，因為怕我谷到個肚喎，真係好！

禽日因為要去飲，所以下晝要帶亞don落街，但鍾生又放得晏，我見好好天，就同亞媽一齊帶亞don落街散步，嘩....成個月冇同個囡落街喇，特別開心呀！

因為我行得好慢，亞don都要跟番我個步伐，我諗亞don都未試過咁樣散步，哈！

落樓梯已經ok，暫時上樓梯都係唔多掂，要遲d先，唔想行痛佢！